යුක්රේනය දින 17ක් සම්පූර්ණයෙන්ම වසා දැමීමට එරට රජය තීරණය කර තිබෙනවා.
නත්තල හා නව අවුරුදු උදාවත් සමඟ එක්රැස්වීම් සිදුවීම නිසා එරට කොවිඩ් ව්‍යාප්තිය වැඩිවීමේ දැඩි අවදානමක් තිබෙන බැවින් මෙම තීරණය ගත් බවයි එරට රජය සඳහන් කළේ.
මේ සතියේ සිකුරාදා සිට ජනවාරි 24 වැනිදා දක්වා කාලය තුළදී අත්‍යාවශ්‍ය ආහාර ද්‍රව්‍ය අලෙවිසැල් හැර අනෙකුත් සියලුම ව්‍යාපාරික ස්ථාන වසා තැබෙනු ඇති.
මේ වන විට යුක්රේනයේ කොවිඩ් ආසාදිතයන් මිලියන 1.15 ඉක්මවා සිටින අතර 20,719 දෙනෙකු කොවිඩ් ආසාදනය වීම නිසා මියගොස් තිබෙනවා
සෑම දිනකම 7,000 ඉක්මවා කොවිඩ් ආසාදිත පුද්ගලයින් එරටින් හඳුනාගන්නා බවයි එරට සෞඛ්‍ය අංශ සඳහන් කරන්නේ.
තවමත් කොවිඩ් එන්නත් කරන වැඩපිළිවෙලක් එරට රජය විසින් හඳුන්වාදී නොමැති නිසා කොවිඩ් වෛරසය සඳහා එරට රජයේ තිබෙන්නේ නිරෝදායන වැඩිපිළිවෙල පමණි.
Discussion about this post