දිනෙන් දිනම අන්තර්ජාල භාවිතය නිවාස තුළදී මෙන්ම කාර්යාල තුලදීත් වැඩිවනවා මිසක අඩුවීමක් දක්නට ලැබෙන්නේ නැති තරම්. විශේෂයෙන්, කොවිඩ් 19 හේතුවෙන් කාර්යාල පාසල් ආදිය සියල්ලම වසා දැමුණු පසු, අන්තර්ජාල දත්ත අවශ්‍යතාව වෙනදාට වඩා විශේෂයෙන් අපට දැනෙන්නට වුනා. විනෝදය මෙන්ම අධ්‍යාපනික, කාර්යාලීය වැඩවලටත් මේ වන විට අන්තර්ජාලය නොමැතිව බැරි අවශ්‍යතාවක් වුනත්, දත්ත සීමා සහිත ලෙස Day සහ Night ලෙස බෙදා තිබීම බොහෝ දෙනෙක්ට ගැටලු සහගත දෙයක්.
මෙයට විසඳුමක් ලෙස Anytime data package මේ වන විට ජනප්‍රිය වෙමින් පවතිනවා. Hutch, Mobitel හා Dialog දවසේ ඕනෑම මොහොතක භාවිතා කළ හැකි ඩේටා පැකේජස් ලබාදුන්නද ලංකාවේ ලොකුම අන්තර්ජාල සේවා සපයන්නා වන Sri Lanka Telecom (ශ්‍රී ලංකා ටෙලිකොම්) ලබාදී තිබුනේ නෑ.
ප්‍රමාද වී හෝ ඔවුන් එම තරඟයට ඇතුලත් වන බවට නිළ ආරංචියක් විදුලි සන්දේෂණ හා නියාමන කොමිෂන් සභාවෙන් ලබාදී තිබෙනවා. මෙලෙස එම කොමිසමෙන් අවසර ලබාදී ඇති Anytime data පැකේජයන් පහත දැක්වේ.
4G සහ ADSL පැකේජයන් එකහා සමාන වුවද, Fiber 100mbps වේගය සහ 1Gbps වේගය සහිත පැකේජයන් ඊට වෙනස්වී වැඩිපුර ප්‍රමාණයක් ඩේටා ලබාදෙනු දක්නට හැකියාව ලැබෙනවා.
මෙම නිවේදනය TRC මගින් නිකුත්කරනු ලැබූ එකක් නිසා, ටෙලිකොම් ආයතනය මගින් පාරිභෝගිකයා හට මෙම පැකේජ ලබාදෙන දිනයක් තවම දැනුම්දී නොමැත.
Discussion about this post