ගාලුමුවදොර පිටියේ සිටි කොවිඩ් ආසාදිතයින් පිරිසක් ප්‍රතිකාර මධ්‍යස්ථාන වලට යොමුකරයි

බස්නාහිර පළාතෙන් පිටවීමේ ස්ථාන 11කදී ඊයේ දිනයේ සිදුකළ ක්ෂණික ප්‍රතිදේහජනක පරීක්ෂණවලින් කොවිඩ් ආසාදිතයින් 13 දෙනෙකු හඳුනාගෙන තිබෙනවා.

බස්නාහිර පළාතෙන් පිටව යන පුද්ගලයින් සඳහා පසුගිය 18 වන දා සිට මේ දක්වා සිදුකළ ක්ෂණික ප්‍රතිදේහජනක පරීක්ෂණ මගින් කොරෝනා ආසාදිතයින් 74 දෙනෙකු හඳුනාගෙන ඇති බව පොලිස් මාධ්‍ය ප්‍රකාශකවරයා සඳහන් කළා.

ඒ අනුව, මෙලෙස කොරෝනා ආසාදිතයින් ලෙස හඳුනාගත් පුද්ගලයින් ප්‍රතිකාර මධ්‍යස්ථාන වෙත යොමු කර ඇති අතර ඔවුන්ගේ ආශ්‍රිතයින් 377 දෙනෙකු නිරෝධායනය සඳහා යොමු කර තිබෙන බවයි ඒ මහතා සඳහන් කළේ.

මේ අතර, කොළඹ කොටුව සහ ගාලුමුවදොර පිටිය අශ්‍රිතව සිදුකළ අහඹු, ක්ෂණික ප්‍රතිදේහජනක පරීක්ෂණ මගින් කොවිඩ් ආසාදිතයින් 9 දෙනෙකුද හඳුනාගෙන තිබෙනවා.

ජනවාරි මස 5 වන දා දක්වා මෙම ක්ෂණික ප්‍රතිදේහජනක පරීක්ෂණ සිදුකරන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කළා.