කුලියාපිටියේදී මියගිය පුද්ගලයෙකුගේ මෘතදේහය ඥාතීන්ට භාරදීමෙන් අනතුරුව අදාළ පුද්ගලයාට කොවිඩ් වැළඳී තිබූ බව තහවුරු වී තිබෙනවා.
හදිසි රෝගී තත්ත්වයක් හේතුවෙන් 02 වැනිදා කුලියාපිටිය ශික්ෂණ රෝහලට ඇතුළත් කළ එම පුද්ගලයා 03 වැනිදා උදෑසන රෝහලේදීම මියගොස් තිබෙනවා.
මරණයට හේතුව නිශ්චිතව අනාවරණය කර ගැනීම සඳහා එම පුද්ගලයාගේ පීසීආර් පරික්ෂණයක් සිදුකර ඇති අතර, එයින් අදාළ පුද්ගලයා කොවිඩ් ආසාදිතයෙකු බව තහවුරු වී තිබෙනවා.
කෙසේ වෙතත් පී.සී.ආර් වාර්තාව ලබා දී ඇත්තේ මෘතදේහය මල්ශාලාවකට ගෙනගොස් පෙට්ටියක තැන්පත් කර ඊයේ (03දා) නිවසට රැගෙන ඒමෙන් අනතුරුවයි.
මෙලෙස මියගොස් ඇත්තේ පන්නල වලකුඹුරුමුල්ල ප‍්‍රදේශයේ පදිංචිව සිටි 67 හැවිරිදි ඒ චන්ද්‍රපාල නැමති අයෙක්.
අනතුරුව මියගිය පුද්ගලයාගේ මෘතදේහය පන්නල පොලීසිය හා සෞඛ්‍ය වෛද්‍ය නිළධාරී කාර්යාලයේ නිළධාරීන් එක්ව ඊයේ රාත‍්‍රී 11.00 පමණ බෝපිටිය ආදාහනාගාරයේදී ආදාහනය කිරීමට කටයුතු කළ බව පන්නල සෞඛ්‍ය වෛද්‍ය නිළධාරිනී සාමා හේරත් මහත්මිය සඳහන් කළා.
Discussion about this post