Microsoft Edge ලබන මාසයේ සිට Linux වෙතටත්

මයික්‍රොසොෆ්ට් සමාගම කෙතරම් මාදුකාංග පැත්තෙන් ඉදිරියෙන් සිටියත්, පසුගිය වසර පමණ වනතෙක් web browser වෙළඳපල නම් අත්පත් කරගන්නට හැකියාව ලැබුනේ නෑ. Internet Explorer පරිඝනකයේ වින්ඩෝස් මෙහෙයුම් පද්ධතිය සමඟම ඈඳා එවා තිබුනද, එය බොහෝවිට භාවිතා කෙරුනේ වෙනත් browser එකක් ඩවුන්ලෝඩ් කරගැනීමට පමණකි. මෙය වෙනස් කරමින් පසුගිය කාලයේදී නිකුත් කරන ලද නව Microsoft Edge බ්‍රව්සරය මේ වන විට ඉතාමත්ම ජනප්‍රිය වෙමින් පවතිනවා. විශේෂයෙන්ම, ගූගල් සමාගමටද මෙය දැඩි ගැටලුවක් බවට පත්වී තිබෙන බව, Edge බ්‍රව්සරය භාවිතයෙන් google සේවාවන් වලට පිවිසෙන විට “Chrome browser එක ඩවුන්ලෝඩ් කරගන්න” ලෙස පරිශීලකයාට පණිවුඩ පෙන්වීමෙන්ම පෙනී යනවා.

මෙය දැනට Windows සහ MacOS මෙහෙයුම් පද්ධති ද්විත්වයේ මෙන්ම Android සහ iOS ජංගම දුරකථනවලද ස්ථාපනය කිරීමට හැකියාව තිබෙනවා. ඊට අමතරව, Open Source මෙහෙයුම් පද්ධතියක් වන Linux වෙතටද Edge බ්‍රව්සරය ලබන මාසයේ සිට ගෙන එන බව මයික්‍රොසොෆ්ට් සමාගම නිවේදනය කර තිබෙනවා. Developer preview එකක් ලෙස ප්‍රථමයෙන් මෙය නිකුත් කර, එහි අඩුපාඩු ආදිය නිවැරදි කර මාස කීපයක් ඇතුලත සියලුම පරිශීලකයන්ට ලබාගැනීමට හැකිවන පරිදි ලබාදෙන බවයි ඔවුන් වැඩිදුරටත් කියා තිබෙන්නේ. Developer preview එක Edge වෙබ් අඩවියෙන් හෝ Linux package manager තුළින් ලබන මස සිට ලබාගැනීමට ඔබට පුලුවන්.