මසකට වැඩි කාලයක් රෝහල්ගත කර සිටින දකුණු ඉන්දීය ප්‍ර‍ධාන අමාත්‍ය ජයලලිතා ජයරාමන් මේ වන විට හොඳ සෞඛ්‍ය මට්ටමකට පැමිණෙමින් සිටින බව ඇගේ පක්ෂය වන AIADMK විසින් ඊයේ ප්‍ර‍කාශ කර තිබෙනවා. පක්ෂයේ මාධ්‍ය ප්‍ර‍කාශක එස් රාමචන්ද්‍ර‍න් මාධ්‍ය හමුවක් තබමින් තවදුරටත් කියා සිටියේ සැප්තැම්බර් 22වැනිදා සිට ඇපලෝ රෝහලේ ප්‍ර‍තිකාර ලබන 68 හැවිරිදි ජයලලිතා ඉක්මනින්ම නැවත තම මිනිසුන්ට සේවය කිරීමට පැමිණෙන බවය.
එවගේම මිනිසුන් විසින් දෙවියන්ට කන්නලව් කර ඇය සුවකර දෙන ලෙස කල ඉල්ලීම් දෙවියන් විසින් ඉටුකරදී ඇති බවද පැවසුවා.
පක්ෂයේ තවත් ප්‍ර‍කාශයෙකු මාධ්‍යයට පැවසුවේ ජයලලිතාට සම්පූර්ණ සුවය ලැබුවද, ටික කලක් යනකල් වෛද්‍යවරුන්ගේ අධීක්ෂණය යටතේ සිටිය යුතු බව පවසා තිබෙන බවය. එවගේම මේ වන විට ඇය සාමාන්‍ය ආහාර ලබාගනිමින් සිටින බවද වැඩිදුරටත් පැවසුවා.
උණ සහ විජලනය තත්වයකට ප්‍ර‍තිකාර ලබාගැනීම සඳහා පසුගිය සැප්තැම්බරයේ රෝහල් ගත කල ජයලලිතාව පරික්ෂා කල පසු වෛද්‍යයවරු පැවසුවේ ඇයට ශ්වසනය ආශ්‍රිත ආබාධයක් තිබෙන බවය. දිල්ලි නුවර සමස්ත ඉන්දියා වෛද්‍ය විද්‍යා ආයතනයේ(AIIMS) සහ ලන්ඩන් වලින් පැමිනි විශේෂ වෛද්‍ය කණ්ඩායමක් ඇයට ප්‍ර‍තිකාර ලබාදී තිබුනි.
ඇය රෝහල් ගත කල විට ලංකාවේ බොහෝ දෙනා ප්‍රීතියට පත්වූවද ඒ අතර ඇතැමුන් ඇය මියගිය බවට සමාජ ජාලා වලින් ප්‍ර‍චාරය කරන ලදී. කෙසේ හෝ ඇය මිය ගිය දිනෙක ලංකාවේ රතිඤ්ඤා හඬවල් ඇසුනහොත් ඒ ගැන පුදුම විය යුතු නැත. මොකද, ඇය කොටි සංවිධානයට සෘජුවම සහ එළිපිටම උදව් කල අයෙකු නිසාය.
Discussion about this post