ඉතාලියේ කොවිඩ් මරණ 75,000 ඉක්මවයි

ඉතාලියේ සමස්ත කොවිඩ් ආසාදිත මරණ සංඛ්‍යාව 75,000 ඉක්මවා ගියා.

ඒ, ගතවූ දිනය තුළ වාර්තාවූ නව කොවිඩ් මරණ 347ත් සමඟින්.

ඒ අනුව මේ වන විට ඉතාලියේ කොවිඩ් මරණ සංඛ්‍යාව දැක්වෙන්නේ 75,332ක් ලෙසින්.

ගෙවී ගිය පැය 24 තුළ ඉතාලියෙන් නව කොවිඩ් ආසාදිතයන් 14,245ක් වාර්තා වී ඇති අතර, එරටින් වාර්තා වූ සමස්ත ආසාදිතයන් සංඛ්‍යාව 2,155,446ක් බව සඳහන්.

මේ අතර ලොවපුරා වාර්තා වී ඇති කොවිඩ් ආසාදිතයන් සංඛ්‍යාවද අට කෝටි පනස් ලක්ෂය ඉක්මවා ගියා.

ගතවූ දිනය තුළ වාර්තාවූ නව කොවිඩ් ආසාදිතයන් 540,036ත් සමඟින් මේ වන විට ආසාදිතයන් 85,083,468ක් වාර්තා වී තිබෙනවා.

ඉන් පුද්ගලයින් 247,924ක් ඊයේ දිනයේ සුවය ලබා රෝහල් වලින් පිටව ගොස් ඇති අතර මේ වන විට පූර්ණ සුවය ලැබූ සමස්ත සංඛ්‍යාව 47,810,565ක්.

අද වන විට සිදුවී ඇති සමස්ත මරණ සංඛ්‍යාව 1,842,455ක් වන බවයි ලෝක සෞඛය සංවිධාන වාර්තා සඳහන් කළේ.