ඇමරිකානු ජනපති ඩොනල්ඩ් ට්‍රම්ප් හුවාවේ සමාගමේ අනාරක්ෂිත ස්වභාවය නිසා එය පසුගියදා තහනම් කලා. ඒ සමග මැයි 20 වැනිදා ගූගල් සමාගම ප්‍රකාශ කලේ ඔවුන් ඇන්ඩ්‍රොයිඩ් මෙහෙයුම් පද්ධතිය සහ ගූගල් සේවාවන් හුවාවේ සමාගමට ලබාදීමද නවතා දමන බවයි.
නමුත් හුවාවේ සමාගම සෘජුවම යමක් නොපැවසුවත්, පසුගිය කාලය පුරාවටම එහි ප්‍රධානීන් කීපදෙනෙකුම හුවාවේ සමාගමේ රහස් ව්‍යාපෘති කීපයක් ගැනම යම් යම් ඉඟි ලබාදුන්නා.
හුවාවේ සමාගම මෙවැනි දෙයක් වන බව දැන සිටි නිසාම වසර ගණනක් පුරාවටම එයට සූදානමින් සිටි බවට සමාගම පවසනවා. ඒ වගේම ඔවුන්ගේ ඉදිරියේදි නිකුත් වන්නට තිබෙන හුවාවේ දුරකථනවලට ඔවුන්ගේම මෙහෙයුම් පද්ධතියක පැමිණෙන බව දැන් නොරහසක්. එහි නම මේ වන විට හෙළිවී තිබෙනවා.
ARK OS නමින් යුරෝපා සංගමයේ බුද්ධිමය දේපල අංශයට ඔවුන් මෙය ලියාපදිංචි කිරීමට ඉදිරිපත් කර තිබෙනවා. HUAWEI ARK OS, HUAWEI ARK, ARK සහ ARK OS යන නම් මෙලෙස බුද්ධිමය දේපලක් ලෙසට හුවාවේ සමාගම මැයි 24 වැනිදා ලියාපදිංචි කර තිබෙනවා. මෙහෙයුම් පද්ධතිය පිළිබඳ වෙනත් තොරතුරක් නම් මේ වන විට දැනගන්නට ලැබෙන්නේ නෑ.
එවගේම තවත් වැරදි ආරචියක් අන්තර්ජාලයේ සැරිසැරුණා. ඒ, හුවාවේ සමාගම ලබන මාසයේදි එම අලුත් මෙහෙයුම් පද්ධතිය එළිදක්වන බවට. එය හුවාවේ සමාගම ප්‍රතික්ෂේප කර තිබෙනවා. එනිසා මෙම මෙහෙයුම් පද්ධතිය කවදා, මොන දුරකථනය සමග පැමිණේද යන්න තවමත් නොදන්නා දෙයක්.
ගූගල් ප්ලේ ස්ටෝ එක වෙනුවට එම අලුත් මෙහෙයුම් පද්ධතියේ ඇප් ලබාගැනීමට Aptoide ආයතනය හා එකතුව කටයුතු කරන බවටද සමාගම් ආරංචි මාර්ග පවසනවා.
Discussion about this post