ශ්‍රී ලංකාවේ වැඩියෙන්ම භාවිතා වන ඇප්ලිකේෂණය වන්නේ මේ වන විට හෙළකුරු යතුරු පුවරුවයි. ඇන්ඩ්‍රොයිඩ් හෝ ඇපල් දුරකථන හා ටැබ්ලට් වල සිංහලෙන් ටයිප් කරන්නට පමණක් මුලින් පැමිණි මේ හෙලකුරු යතුරු පුවරුව මේ වන විට සේවාවන් රැසක් එකම ඇප්ලිකේෂනයකින් ලබාගත හැකි තැනක් බවට පත්වී තිබෙනවා. එයිනුත් කොරෝනා කාලයේදී තම සිතුවිලි අකුරට නගන්නට වේදිකාවක් තනා දීමට භාෂා ලංකා ආයතනය පියවර ගත්තා. සිතළු නමින් නම්කර තිබෙන මේ සේවාවේදී, තමන් ලියන ඕනෑම පද පේලියක් ලෝකයටම දකින්නට එකතු කරන්නට පුලුවන්. මැතිවරණය කාලයේ බොහෝ කතා බවට ලක්වූ මැකෝ හෙවත් මැතිවරණ කොමසාරිස් මහින්ද දේශප්‍රිය මහතා වෙනුවෙන් හරි අපූරු කවි පද ගෙතීමට අපේ මිතුරු මිතුරියන් අමතක කලේ නැහැ.
ඉතින්, මේ අකුරට නැගුනු සුන්දර සිතුවිළි ගොන්න, පොතක් වශයෙන් මහින්ද දේශප්‍රිය මහතාට තිළින කිරීමට භාෂා ලංකා ආයතනය තීරණය කර තිබුනා. එය ඊයේ දිනයේදී මහින්ද දේශප්‍රිය මහතාට පිළිගැන්වූ අතර, එයට එම සමාගමේ ප්‍රධාන විධායක නිළධාරී ධනික පෙරේරා සහ අලෙවි සහ මෙහෙයුම් ප්‍රධානී සනෝජ් සිරිවර්ධන මහතාද එක්වුණා. එලෙස මහින්ද දේශප්‍රිය මහතා ගැන ලියූ කවි, නිසදැස් ඇතුළු නිර්මාණ සියල්ලම පාහේ මෙම පොතට ඔවුන්ගේ නම් ද සහිතව එකතු කර තිබුණා.
Subtitle editor and tech supporter in Sri Lanka's leading entertainment portal - Zoom.LK.
Discussion about this post