බොහෝමයක් Android දුරකථන වල තිබෙන Google Play Music සේවාව ලබන මස සිට නවතා දමන බව Google ආයතනය නිල බ්ලොග් සටහනක් තබමින් පවසා සිටියා. Google ආයතනය විසින් පසුගිය මාස කිහිපය තුල Goole Play Music භාවිතා කරන පරීශිලකයින්ව Youtube Music වෙත මාරු කිරිමට කටයුතු කරමින් සිටියා.
Google Play Music සහ Youtube Music සේවා දෙකම පසුගිය වසර කිහිපය තුළ එකවර ක්‍රියාත්මක වූවත් Google ආයතනය විසින් Youtube Music වෙත වැඩි අවධානයක් යොමු කිරීම හේතුවෙන් මෙලෙස Google Play Music සේවාව නවතා දමන බවයි ඔවුන් වැඩිදුරටත් පසවා සිටියේ. ඔවුන් දැනටමත් Google Play Music තුල පමණක් අඩංගුව තිබු ප්‍රධාන විශේෂාංග සියල්ලක්ම පාහේ Youtube Music වෙත ගෙන ගොස් අවසන්. Google Play Music වලින් Youtube Music වෙත මාරු වීම පහසු කිරීම සදහා ඔවුන් විසින් transfer tool එකකුත් හදුන්වා දී ඇත.
සැප්තැම්බර් මස අගදී Google Play Music යෙදුම දකුණු අප්‍රිකාවේ සහ නවසීලන්තයේ භාවිතයට ගත නොහැකි වනු ඇති බව නිල බ්ලොග් අඩවියේ සදහන් කර ඇත. ඔක්තෝම්බර් මාසය තුල සෙසු රටවල් වලට එය භාවිතා කිරීමට නොහැකි වනු ඇත. සැප්තැම්බර් මාසයේ සිට Google Play Music තුල ගීත ඇසීමට ඇති හැකියාව ඉවත් වූවත් එම මස අවසානය තෙක් albums හෝ ගීත මිලදී ගැනිමේ හැකියාව ඉවත් නොකරන බවටද ඔවුන් පවසා සිටියා.
2020 දෙසැම්බර් මස වන විට Google Play Music සේවාව සම්පුර්ණයෙන්ම ඉවත් කරන අතර මෙය සමස්ත ක්‍රියාවලියේ අවසාන පියවර වන අතර, එම දිනයෙන් පසුව ඔබට Google Play Music තුලට පිවිසිමට ඇති හැකියාව නැති වී යයි. ඔබ Google Play Music භාවිතා කල කෙනෙක් නම් ඔබටත් හැකි ඉක්මණින් Youtube Music වෙතට මාරු වීමට සිදු වේ. ඔවුන්ගේ transfer tool එක භාවිතා කර ඔබගේ playlist, likes, albums වැනි දෑ Google Play Music වෙතින් Youtube Music වෙත මාරු කරගැනීමට හැකියාව ඇත.
Discussion about this post