Gionee සමාඟම ඔවුන්ගේ නවතම දුරකථනය වන ජියෝනී එස්9 ඊයේ චීනයේදී එළිදක්වනු ලැබුවා. සුපිරි මාදිලියේ(flagship) දුරකථනයක් නොවුනත් මධ්‍යම පන්තියට වැටෙන හොඳ දුරකථනයක් ලෙස මෙය හඳුන්වාදෙන්නට පුලුවන්.
අඟල් 5.5ක ෆුල් එච්ඩී තිරයක් සහ ප්‍රොසෙසරය මීඩියාටෙක් පී10 එකක්(MediaTek Helio P10). ඔවුන්ගේ කලින් එස්8 දුරකථනයේ තිබෙන ලෙසම ප්‍රොසෙසරය සහ ඩිස්ප්ලේ ප්‍ර‍මාණය මෙවරත් තිබෙනවා. වෙනසකට තිබෙන්නේ කලින් එස් 8 දුරකථනයේ ඩිස්ප්ලේ තාක්ෂණය වූ AMOLED වෙනුවට මෙවර එස්9 දුරකථනයේ LCD තාක්ෂණය භාවිතා කිරීමයි.
රැම් මතකය ගිගාබයිට් 4ක් සහ අභ්‍යන්තර ප්‍ර‍ධාන මතකය ගිගාබයිට් 64ක් වනවා.
එස්9 දුරකථනයේ පිටුපස මෙවර කැමරා දෙකක් තිබෙනවා. මෙගාපික්සල් 13ක සහ මෙගාපික්සල් 5ක ලෙන්ස් දෙකක් තිබෙන අතර මෙමඟින් පසුබිම බොඳවූ ඡායාරූප ලබාගැනීමට පුලුවන්. ඉදිරිපසද මෙගාපික්සල් 13ක කැමරාවක් තිබීම විශේෂත්වයක්.
බැටරිය මිලිඇම්ප්අවර් 3,000ක් තිබෙන නිසා දුරකථනයේ බර නම් ටිකක් වැඩිවී තිබෙනවා ග්‍රෑම් 168ක් දක්වා. නමුත් ඉක්මනින් ආරෝපනය වන තාක්ෂණයක් නම් මෙහි නෑ.
චීනයේදී යුවාන් 2,499 ක මුදලකට(රු.54,000)කට මිළ නියමවූ මේ දුරකථනයට මේ වන විට ඇනවුම් භාරගන්නා අතර නොවැම්බර් 25 වැනිදා සිට විකිණීම ඇරඹෙනවා.
Discussion about this post