ෆේස්බුක් සමාගමට විරුද්ධව එහි පරිශීලකයෙකු නීතිමය පියවර ගැනීමට තීරණය කර තිබෙනවා. ඒ, ඉන්ස්ටග්‍රෑම් ඇප්ලිකේෂනය භාවිතා නොකරන විටදීත් එහි කැමරාව විවෘත කරගෙන සිටීම හේතුවෙන්. ජූලි මාසයේදී කරලියට ආ මේ ගැටලුව සම්බන්ධ වාර්ථා ඉන්ස්ටග්‍රෑම් හිමි ෆේස්බුක් සමාගම ප්‍රතික්ෂේප කර සිටියා. ඔවුන් කියා සිටියේ, iPhone හි කැමරාවට Instagram ඇප්ලිකේෂණය ප්‍රවේෂ වී ඇති බවට පෙන්වන notification එක ඇප්ලිකේෂණයේ ඇති දෝශයක්(bug) නිසා සිදුවී ඇති බවත්, එය නිවැරදි කිරීමට කටයුතු කරන බවත්ය.
කෙසේ නමුත්, පසුගිය සතියේ බ්‍රහස්පතින්දා සැන් ෆ්‍රැන්සිස්කෝ ෆෙඩරල් අධිකරණයේ ෆේස්බුක් සමාගමට විරුද්ධව නඩු පැවරූ Brittany Conditi සඳහන් කර ඇත්තේ, ෆේස්බුක් සමාගම විසින් මෙය හිතාමතාම සිදුකරන ලද්දක් බවයි. මේ වන විට ඔවුනට පරිශීලකයන්ගේ ලබාගත නොහැකි, ඔවුන්ට අවශ්‍ය වටිනා දත්ත ලබාගැනීමට මෙය සිදුකර ඇතැයි ඇය චෝදනා කරනවා. තම පරිශීලකයන්ගේ අතිශය පෞද්ගලික දත්ත ලබාගත් පසු, ඔවුනට මේ වන විටත් ඇති පුද්ගලයෙකුගේ තොරතුරු වලට අමතරව විශාල මුදලකට විකිණිය හැකි පෞද්ගලිකත්වයක් ඔවුන් වෙත ලැබෙන බවද එම නඩුවේ ඇය තවදුරටත් කියා තිබෙනවා. මේ සම්බන්ධයෙන් ෆේස්බුක් සමාගම තවමත් නිළ වශයෙන් පිළිතුරක් ලබාදී නැහැ.
Discussion about this post