ෆේස්බුක් සමාගම පසුගිය මාස ගණනාව පුරාවටම ඔබේ News Feed එක වෙනස්කිරීමේ ප්‍ර‍යත්නයේ යෙදුනා. ඔවුන්ගෙ මූළිකම ඉලක්කය වූයේ ඔබේ හොඳම මිතුරන්, ඔබ වැඩියෙන්ම අවධානය යොමුකර තිබෙන මිතුරන් පලකරන දෑ ඔබට විශේෂයෙන් පෙන්වීමටයි. ඔවුන් එයින් යම් තරමකට මේ වන විට සාර්ථක වී තිබෙනවා. මෙහි අලුත්ම පියවර වන්නේ ඔබේ නිව්ස් ෆීඩ් එකේ උඩ “What friends are talking about” යනුවෙන් අලුත් කොටසක ඔබේ හොඳම මිතුරු මිතුරියන් පලකර, නමුත් ඔබ නොදුටු අලුත් status(ස්ටේටස්) පෙන්වීමයි.
මෙය මුලින්ම වාර්ථා කර තිබුනේ මාෂබල්(Mashable) සඟරාවයි. ඒ ඔවුන්ගේ ඇන්ඩ්‍රොයිඩ් දුරකථන යෙදුමේදි. නමුත් ඔබ සිතාවි එය ඔබට පෙන්වන්නේ නෑ නේද කියලා? ඔවු. ෆේස්බුක් සමාගම අලුත් විශේෂාංගයක් නිකුත් කරන්න කලින් එය ලොව පුරා අහඹු ලෙස තෝරගත් පිරිසකට මුලින්ම අවස්ථාව ලබා දෙනවා අත්විඳින්න. ඔවුන්ගේ අදහස් සහ යෝජනා රැගෙන, ඉන් සති කීපයකට පසු තමයි අලුත් විශේෂාංගය ලෝකයටම නිකුත් කරන්නේ.
ඉතින් ඔයාටත් මේ අවස්ථාව ලැබිලාද බලන්න ජංගම දුරකථනය අතට අරගෙනම බලන්න වෙනවා.
Discussion about this post