ඊයේ (21) දිනය තුළ මෙරටින් කොරෝනා ආසාදිතයින් 519 දෙනෙකු හඳුනාගෙන තිබේ.
ඒ අතරින් වැඩි ම ආසාදිතයින් සංඛ්‍යාවක් වාර්තා වන්නේ කොළඹ දිස්ත්‍රික්කයෙනි. ඒ 122 දෙනෙකි.
තව ද මහනුවර දිස්ත්‍රික්කයෙන් 85 දෙනෙක් සහ ගම්පහ දිස්ත්‍රික්කයෙන් 64 දෙනෙක් වශයෙන් ආසාදිතයින් හඳුනාගෙන ඇත.
ඉතිරි ආසාදිතයින් 247 දෙනා දිවයිනේ සෙසු දිස්ත්‍රික්කවලින් වාර්තා වී තිබේ.
මේ අතර ඊයේ වාර්තා වූ ආසාදිතයින් අතරින් එක් අයෙකු විදේශගතව සිට මෙරටට පැමිණි පුද්ගලයෙකි.
ඒ අනුව, මෙරට කොරෝනා දෙවන රැල්ලට අදාළ ආසාදිතයින් සංඛ්‍යාව 75,923ක් වන අතර සමස්ත ආසාදිතයන් සංඛ්‍යාව 79,999 දක්වා ඉහළ ගොස් ඇත.
මේ අතර, ඊයේ දිනය තුළ මෙරටින් කොරෝනා මරණ 10ක් වාර්තා වී තිබේ.
ඒ අනුව, මෙරට සමස්ත කොරෝනා මරණ සංඛ්‍යාව 445ක් දක්වා ඉහළ ගොස් ඇති බව සෞඛ්‍ය සේවා අධ්‍යක්ෂ ජනරාල්වරයා තහවුරු කළේ ය.
Discussion about this post