එළැඹෙන උත්සව සමයේ බස් රථවල නිරෝධායන නීති ක්‍රියාත්මක වන්නේද යන්න දැඩිව පරික්ෂා කිරීමට නියමිත බව ප්‍රවාහන රාජ්‍ය අමාත්‍ය දිලුම් අමුණුගම මහතා පවසනවා.
මහනුවර පැවති මාධ්‍ය හමුවකදී අදහස් දක්වමින් ඒ මහතා කියා සිටියේ කොරෝනා වසංගත තත්ත්වය පාළනය කිරීමට බස් රියදුරන් මෙන්ම රියදුරු සහකයන්හටද දැඩි වගකීමක් ඇති බවයි.
මේ වන විටත් නිරෝධායන නීති උල්ලංඝනය කරමින් ධාවනය කළ බස්රථ 40ක ධාවන බලපත්‍ර අහෝසි කර ඇති බව සඳහන් කර ඇති බවද ඒ මහතා තහවුරු කළා.
ඇතැම් බස් හිමිකරුවන්හට බස් රථ එකකට වඩා වැඩි ගණනක් ඇති බැවින්, සාකච්ඡා කොට අතිරේක ගමන් වාර යොදාගැනීමේ හැකියාව බස් හිමිකරුවන් හට තිබෙන බවද අමුණුගම මහතා පෙන්වා දුන්නා.
Discussion about this post