තාක්ෂණය අපේ ජීවිතයට අත්‍යාවශ්‍ය දෙයක්. එමෙන්ම විනෝදයත් අවශ්‍යයයි. මේ දෙකම දැන් ස්මාට්ෆෝන් එක මගින් ලබාගන්න හැකියාව තිබෙනවා. මේ වන විට ස්මාට්ෆෝන් මගින් ක්‍රීඩා කිරීම ලොකු කුඩා සියලුදෙනා අතර අතිශය ජනප්‍රිය දෙයක්. එයිනුත් PUBG, Call of Duty Mobile, Freefire වැනි ක්‍රීඩා ලොවපුරා ඉතා වේගයක් ජනප්‍රිය වුණ ක්‍රීඩා ලෙස සඳහන් කරන්න පුලුවන්.
නමුත් මේ සඳහන් කරන්න යන්නේ ඉතාම අවාසනාවන්ත සිද්ධියක් පිළිබඳව. මෙය වාර්ථාවන්නේ ඉන්දියාවේ Pulwama දිස්ත්‍රික්කයේ Qasbayar යන ගම්මානයෙන්. ඉන්දියාවේ පුවත් වාර්ථාකරන අන්දමට, මේ දරුවා ඉතා දැඩි ලෙස පබ්ජී ක්‍රීඩාවට ඇබ්බැහි වී තිබෙනවා. දවසේ වැඩි වෙලාවක් දුරකථනයේ එල්බගෙන සිටින නිසා පවුලේ අයත් ඔහුට අවවාද කර තිබෙනවා.
පසුගියදා ඔහු හා සහෝදරයා සමඟ මේ ඇබ්බැහිය ගැන ඇතිවූ බහින් බස් වීමක් දුරදිග ගොස් තිබෙනවා. ඉන්පසු වයස අවුරුදු 13ක් වන එම දරුවා ගෙදරින් ගොස් ඇති අතර පසුව ඔහු සියදිවි නසාගෙන තිබෙනු සොයාගෙන ඇතැයි වාර්ථා වනවා. දරුවාගේ හා පවුලගේ අයගේ අනන්‍යතාව මාධ්‍ය වෙත ඉදිරිපත් කර නැහැ.
මෙලෙසම පන්ජාබයේ දරුවෙක් ඉන්දීය රුපියල් ලක්ෂ 16ක් PUBG හි ඇති ඇඳුම් ආයිත්තම් ආදිය මිළදී ගැනීමට වියදම් කිරීම පිළිබඳ පුවතක්ද වාර්තා වනවා. පියා රජයේ සේවකයෙක් වන අතර, මව හා පියාගේ credit card එම ක්‍රීඩාවට එකතු කර ඒවායෙන් එම වියදම් සිදුකර ඇති බවට එම දරුවා පාපොච්චාරණය කර සිටිනවා.
වයස අවුරුදු 17ක් වන එම දරුවාගේ අනාගතයට හා පවුලේ හදිසි සෞඛ්‍ය අවශ්‍යතා වෙනුවෙන් ඉතිරිකර තිබූ මුදල් මෙලෙස වියදම් කර ඇති බවට පියා මාධ්‍යයට පවසා සිටියා. නිතරම තම ජංගම දුරකථනය දරුවා ගන්නේ අධ්‍යාපනික වැඩ වෙනුවෙන් බව පවසා ක්‍රීඩා කර ඇති බවත්, මුදල් ගනුදෙනු වීමේදී පැමිණෙන SMS පණිවුඩ ඔහු මකා දමා ඇති බවත් කියා තිබුනා.
Discussion about this post