බ්ලැක් පැන්තර් චිත්‍රපටයේ ප්‍රධාන චරිතය රඟපෑ චැඩ්වික් බෝස්මන් මීට පැය කීපයකට පෙර මියගොස් තිබෙනවා. 2016 වසරේ සිට මහා බඩවැලේ තිබූ පිළිකාවක් හේතුවෙන් මියගිය මෙම අසහාය නළුවා, අවසන් මොහොත ගත කලේ තම නිවසේ පවුලේ අය සහ බිරිඳ අසල බව ඔහුගේ ට්විටර් ගිණුමේ ඔවුන් සටහනක් තබා තිබෙනවා. මියයන විට වයස අවුරුදු 43ක් වූ ඔහු මේ වසර ගණනාව තුළ රඟපෑ සියලු චිත්‍රපට සිදුකලේ “ගණන් කිරීමටත් නොහැකි තරම් විවිධාකාරයේ ශල්‍යකර්මයන් හා කීමෝතෙරපි මධ්‍යයේ” බවත්, ට’චාලා රජු ලෙස බ්ලැක් පැන්තර් චිත්‍රපටයේ රඟපෑමට ලැබීම ඔහුගේ වෘත්තියේ ගෞරවනීයම චරිතයක් ලෙසත් පෞද්ගලික ප්‍රකාශකවරයා පවසා තිබෙනවා.
චැඩ්වික් බෝස්මන් බොහෝ දෙනාගේ අවධානයට පැමිණියේ 2013 වසරේ ජැකී රොබින්සන් ලෙස ඔහු රඟපෑ “42” චිත්‍රපටයත් සමඟයි. මාවල් සිනමැටික් යුනිවර්ස් එකට ඔහු ප්‍රථම වතාවට පෙනී සිටින්නේ 2016 වසරේ Captain America: Civil War චිත්‍රපටයත් සමඟයි. 2018 වසරේ බ්ලැක් පැන්තර් වෙනුවෙන් වෙනමම චිත්‍රපටයක් නිෂ්පාදනය වන අතර එය බොක්ස් ඔෆිස් වාර්ථාද බිඳ හෙලා දමනවා. එහි දෙවැන්න 2022 වසරේදී තිරගත වන බව මාවල් සමාගමේ සභාපති පසුගියදා පවසා සිටියා.
2016 වසරේදී ඔහුට උදරයේ පිළිකාවක් තිබෙනවා යැයි සොයාගන්නා විට එය තුන්වන මට්ටමේ තිබී, එය ක්‍රමක් ක්‍රමයෙන් 4 වන මට්ටමට පැමිණ තිබෙනවා.
Subtitle editor and tech supporter in Sri Lanka's leading entertainment portal - Zoom.LK.
Discussion about this post