බොක්ස් ඔෆීස් චිත්‍රපට රැසක් ගෙන ආ Joe Russo හා Anthony Russo විසින්, නෙට්ෆ්ලික්ස් ඉතිහාසයේ වැඩිම වියදමක් දරණ චිත්‍රපටය නිර්මාණය කිරීම සඳහා කටයුතු අරඹා තිබෙනවා. ජනප්‍රිය ලේඛක Mark Greaney විසින් රචනා කරන ලද The Gray Man නව කතාවට අනුව මෙය නිපදවෙන අතර, මොවුන්ගේ ඉලක්කය වන්නේ ජේම්ස් බොන්ඩ් කතා මාලාව හා සමාන අති දැවැන්ත චිත්‍රපට පෙලක් නිර්මාණය කිරීමයි.
රුසෝ සහෝදරයන්ගේ චිත්‍රපට සමාගම වන AGBO සමාගම විසින් මෙහි නිෂ්පාදනය සිදුකරන අතර, රුසෝ විසින් අධ්‍යක්ෂණය කල කැප්ටන් ඇමරිකා සහ ඇවෙන්ජර්ස් වැනි චිත්‍රපටවල පිටපත් රචනය සිදුකල Christopher Markus සහ Stephen McFeely ද පිටපත් රචනය මඟින් චිත්‍රපටයට දායක වනවා. Ryan Gosling සහ කැප්ටන් ඇමරිකා චිත්‍රපටයේ ප්‍රධාන චරිතය රඟපෑ Chris Evans දෙදෙනා මෙහිදී පිළිවෙලින් කුලී මිනීමරුවෙකුගේ හා හිටපු CIA නියෝජිතයෙකුගේ චරිත වලට පණ පොවනවා.
රුසෝ සහෝදරයන් වසර දෙකකට පෙර ඇවෙන්ජර්ස් – එන්ඩ්ගේම් චිත්‍රපටය අධ්‍යක්ෂණයෙන් පසු සෘජුවම බ්ලොක්බස්ටර් චිත්‍රපටයකට දායක වන පළමු අවස්ථාව මෙයයි. චිත්‍රපටයේ දැනට ඇස්තමේන්තුව අනුව වියදම ඇමරිකානු ඩොලර් මිලියන 200කට අධික බව හොලිවුඩය වෙතින් ආරංචි ලැබෙනවා.
Albert L. Ortega via Getty Images
Subtitle editor and tech supporter in Sri Lanka's leading entertainment portal - Zoom.LK.
Discussion about this post