ජංගම දුරකථන සඳහා මෙහෙයුම් පද්ධතියක් නිර්මාණය කිරිමට Canonical සමාගම ආරම්භ කලේ මීට වසර ගණනාවකට පෙරයි. වසර දෙකකට පමණ පෙර ගැලැක්සි නෙක්සස් දුරකථනය සඳහා එම මෙහෙයුම් පද්ධතිය නිකුත් කලද එහි විශේෂාංග වලට වඩා තිබුනේ ප්‍රශ්න සහ ගැටලුය. ඒවා සියල්ලම නිවැරදි කරගනිමින් උබුන්ටු මෙහෙයුම් පද්ධතිය සහිත ජංගම දුරකථනය ඊයේ එළිදක්වනු ලැබුනා.
චීන සමාගමක් වන Meizu හි හොඳම දුරකථනය ලෙස සැලකෙන MX4 හි එන ඇන්ඩ්‍රොයිඩ් පද්ධතිය වෙනුවට උබුන්ටු මෙහෙයුම් පද්ධතිය සහිතව මෙලෙස එලිදක්වනු ලැබුවා.
අඟල් 5.36ක 1152 x 1920 රිසොලුෂන් සහිත ඩිස්ප්ලේ එකක්, 3100mAh බැටරියක්, ක්වාඩ් කෝ ප්‍රොසෙසරයක්, මෙගා පික්සල් 20.7ක ප්‍රධාන කැමරාවක් සහ මෙගාපික්සල් 2ක ඉදිරිපස කැමරාවක් සහිතයි. ගිගාබයිට් 16ක් ඔබේ දත්ත ගබඩා කරගන්නටද මෙහි පුලුවන. යුරෝපීය වෙළඳපල සඳහා ඉලක්ක කරගෙන මෙම දුරකථනය කැනොනිකල් සමාගම එලිදක්වා තිබේ. මිළ ආසන්න වශයෙන් ඇමරිකානු ඩොලර් 335ක් පමණ වෙනු ඇත.
මෙහි විශේෂත්වයක් වන්නේ මෙම දුරකථනය මිළදීගැනීමට නම් “ආරාධනාවක්” තිබිය යුතු වීමයි. එම ආරාධනාව ලබාගැනීමට නම් සමාගම විසින් ලබාදෙන “interactive origami wall” ප්‍රහේලිකාව විසඳිය යුතුයි. ඔවුන් පවසන්නේ දුරකථනයක් මිලදීගැනීමට කැමැත්ත තිබෙන කෙනා දවස් ගණනක් හෝ උත්සහ කර මේ ප්‍රහේලිකාව විසඳහා දුරකථනය මිළදීගැනීමට “ආරාධනාවක්” ලබාගනු ඇති බවයි.
Discussion about this post