හැරි පෝටර් ප්‍රේක්ෂකයන්ට හොඳ පුදුම හිතෙන ආරංචියක් තමයි මේ ගේන්නේ. කථා මාලාවේ ලේඛිකා ජේ.කේ.රෝලින් අද නිළ වශයෙන් පැවසුවා හැරි පෝටර් චිත්‍ර‍පට මාලාවේ නවතම එක වන ෆැන්ටෑස්ටික් බීස්ට්ස් වෙතට තවත් චිත්‍ර‍පටි 5ක් එකතුවන බව. පෙර කියා තිබුනේ නිකුත් වන්නේ චිත්‍ර‍පටි තුනක් පමණක් බවයි.
අපි තවත් චිත්‍ර‍පටි තුනක් එනවා කියලා කිව්වේ අනිවාර්යයෙන් එකකට වඩා චිත්‍ර‍පටි නිෂ්පාදනය කරන්න වෙන බව දැනගෙන හිටපු නිසා. මොකද කවදාවත් රසිකයෝ තවත් එක චිත්‍ර‍පටයකින් විතරක් සෑහීමකට පත්වෙන්නේ නෑ. මේ පිළිබඳව අදහස් දැක්වූ ජේ.කේ. රෝලින් මෙසේ පවසා සිටියේ ලන්ඩන් නුවර රසික එකතුවීමකට සහභාගී වෙමින්.
ෆැන්ටැස්ටික් බීස්ට්ස් චිත්‍ර‍පට මාලාව හා හැරි පෝටර් චිත්‍ර‍පටි මාලාව එකිනෙකට එකක් සම්බන්ධ බවත්, චිත්‍ර‍පටය නැරඹීමේදී ප්‍රේක්ෂකයන් ඒ සම්බන්ධයන් ගැන පුදුම හිතෙනු ඇති බවත් ඇය වැඩිදුරටත් පවසා සිටියා. එවගේම අලුත් චිත්‍ර‍පට මාලාවේ කතාව ගෙතෙන්නේ ඉතාම බලවත් මායාකරුවෙකු වන ගැලට් ග්‍රින්ඩෙල්වර්ඩ් සහ හොග්වර්ට්ස් වල ප්‍ර‍ධානියාව සිටි ඇල්බස් ඩම්බල්ඩෝ වටා 1945දී සිදුවූ සිද්ධි දාමයක් ඇසුරෙන්.
සුපුරුදු පරිදි මේ චිත්‍ර‍පට මාලාවද වර්නර් බ්‍ර‍දර්ස් ආයතනයේ නිෂ්පාදනයක්.
Discussion about this post