දිවයින පුරා සිනමා ශාලා ජනවාරි මස පළමුවනදා සිට විවෘත කිරීමට රජය තීරණය කර තිබෙනවා.
චිත්‍රපට සංස්ථාව සඳහන් කළේ හුදකලා කර ඇති ප්‍රදේශවල හැර සෙසු ප්‍රදේශවල විවෘත කිරීමට සෞඛ්‍ය අංශ නිර්දේශ කර ඇති බවයි.
මෙසේ විවෘත කෙරෙන සිනමා ශාලා සඳහා ඇතුලත් කළ හැක්කේ 25%ක මහජන ධරිතාවක් පමණයි.
විවෘත කිරීමට පෙර සියලු සිනමා ශාලා විෂබීජහරණයට ලක් කළ යුතු අතර සිනමා ශාලා හිමියන් මෙන්ම චිත්‍රපට නැරඹීමට පැමිණෙන්නන් ද නිවැරදි සෞඛ්‍ය මාර්ගෝපදේශවලට අනුකූලව ක්‍රියා කළ යුතුයි.
චිත්‍රපට නිෂ්පාදකයින්, චිත්‍රපට අධ්‍යක්ෂකවරුන් සහ චිත්‍රපට ප්‍රදර්ශකයන්ගේ සංගමය ඇතුළු කලාකරුවෝ පිරිසක් සිනමා ශාලා වසා තැබීමෙන් කලාවට හා කලාකරුවන්ට වන හානිය ගැන පසුගිය දා අග්‍රාමාත්‍යවරයා දැනුවත් කළේය.
සිනමා ශාලා වසා තැබීමෙන් සිනමා කර්මාන්තයට හා ඒ හා සම්බන්ධ සියලු කලාකරුවන්ට වන හානිය, පීඩාවන් මග හැරීමට මෙම පියවර ගෙන තිබේ.
Discussion about this post