මෙතෙක් හඳුනාගෙන නොමැති ආකාරයේ covid ප්‍රභේදයක් ශ්‍රී ලංකාවෙන් සොයාගෙන ඇති බව ශ්‍රී ජයවර්ධනපුර විශ්ව විද්‍යාලය කියා සිටිනවා.
වාර්තාවක් නිකුත් කරමින් ශ්‍රී ජයවර්ධනපුර විශ්වවිද්‍යාලය කියා සිටියේ එම covid ප්‍රභේදය යුරෝපයේ ව්‍යාප්ත වන covid වෛරසයට සමානකමක් පෙන්වන බවයි.
නිරෝධායන මධ්‍යස්ථානයක සිටි පුද්ගලයෙකුගේ සාම්පලයක් පරීක්ෂා කිරීමේදී මෙම වෛරසය හඳුනාගෙන තිබෙනවා.
මූලික පරීක්ෂණවලදී හෙළි වී ඇත්තේ අදාළ නව covid ප්‍රභේදය ඉතා ශීඝ්‍රයෙන් පැතිර යන බවයි.
එය දැනට සිදුකරන සාමාන්‍ය PCR පරීක්ෂණයකදී හඳුනාගත නොහැකි බවයි රජයේ වෛද්‍ය නිලධාරීන්ගේ සංගමය පවසන්නේ.
එහි ලේකම් වෛද්‍ය හරිත අලුත්ගේ මහතාව චෝදනා කරන්නේ ශ්‍රී ජයවර්ධනපුර විශ්ව විද්‍යාලයේ වාර්තාව සෞඛ්‍ය අමාත්‍යාංශයට ලබාදී තිබුණත් තවමත් කිසිඳු පියවරක් ගෙන නොමැති බවයි.
Discussion about this post