ලංකාවට එන අලුත්ම Mi Bluetooth Speaker එක – සිංහල Review

අපි පසුගිය සතියේ අරගෙන ආවා ෂයෝමි සමාගමේම Mi Bluetooth Speaker Basic 2 එකේ සිංහල රිවීව් එක. මේ සතියේ අරගෙන එන්නෙත්, බොහෝ දෙනා බලාපොරොත්තුවෙන් සිටි, ෂයෝමි සමාගමේම Mi Bluetooth Speaker Canon කියන වර්ෂන් එක.

මේක නම් ටිකක් මිලෙන් වැඩියි කලින් එකට වඩා. ඒකට හේතු කීපයක්ම තියෙනවා. මේකේ ඩිසයින් එක වෙනුවෙන් අන්තර්ජාතික IF Design Award එකත් ලැබිලා තියෙනවා. ඇත්තටම දකින ඕනම කෙනෙකුගේ හිත යන ඩිසයින් එකක් තියෙන්නේ.

ඕනෑම මතුපිටක පහුසුවෙන් තියන්න පුලුවන් මේක. බටන් ආදිය කිසිම දෙයක් නෑ. උඩ තිබෙන ring එකෙන් තමයි මේකේ සියලුම දේ පාලනය කරන්නේ. කියවලා වැඩක් නෑ. මේක ගැන සේරම විස්තර review video එකෙන්ම බලන්න…

මිළදීගන්න මේ ලින්ක් එකෙන්  –  http://bit.ly/2HGBPSN

 

සංගීතයට ආදරේ අයට – Mi Bluetooth Speaker 2 (සිංහල Video Review)

ගොඩක් අය දැන් Bluetooth Speaker මිළදීගන්න සොයනවා. නමුත් ලංකාවේදි නම් දැන් තියෙන්නේ බොහොමයක් හොඳ quality ඒවා නෙවෙයි. එක්කෝ කිසිම නාමයක් නැති ස්පීකර්. නැතිනම් හොඳ බ්‍රෑන්ඩ් එකක නමක් දාලා බාල විදියට සකසන ඒවා. ඉතින් ඒවාට රැවටිලා සල්ලි නාස්ති කරගන්නේ නැතුව සුපිරිම ස්පීකර් එකක් ගැනයි මේ කියන්න යන්නේ.

Xiaomi සමාගම වෙළඳපලට නිකුත් කරපු තත්වයෙන් ඉතාම  ඉහල බ්ලූටූත් ස්පීකරයක් තමා Mi Bluetooth Speaker Basic 2 එක. ඉතින් මේ විඩියෝ  එකේ ඔයාලට අපි මේ සුපිරි ස්පීකරය ගැන හඳුන්වලා දෙනවා.

එවගේම මේක ඔයාලට Gearbest එකෙන් මිළදීගන්න පුලුවන් මේ ලින්ක් එකෙන් – https://bit.ly/2Jz5C0k

මිළදීගන්නකොට ඔයාලා mizoomlk1 කියන කූපන් කෝඩ් එක දුන්නම රුපියල් 1600ක් මිළ අඩු කරලා මිළදි ගන්න පුලුවන්.

Xiaomi රෙඩ්මි නෝට් 4 ගැන සිංහලෙන් (වීඩියෝ – කැමරා සාම්පල් සහිතව)

ඉන්දියාවේ අංක 1 ස්මාට්ෆෝනය බවට මාස ගාණකින් පත්වූ රෙඩ්මි නෝට් 4 ගැන සිංහලෙන් පැහැදිලි කරන්නයි මේ යන්නේ. ලංකාවෙත් මේ වන විට බොහෝ දෙනෙක් මෙය ලංකාවෙන් හෝ අන්තර්ජාලය හරහා ගෙන්වා ගන්නවා

අඟල් 5.5ක ෆුල් එච් ඩී තිරයක් සහිත, ගිගාබයිට් 32 සහ 64 අභ්‍යන්තර මතකයන්ගෙන් යුත් මෙහි බැටරිය මිලි ඇම්ප් අවර් 4100ක් තිබෙනවා. ෆින්ගර්ප්‍රින්ට් එකක්ද තිබෙනවා. රුපියල් 25,000 සිට මිළට ලංකාවේ ගැනීමට තිබෙන මෙය ගැන සියලුම විස්තර පහත වීඩියෝ එකේ තිබෙනවා.

එවගේම අපේ යූටියුබ් චැනල් එකට Subscribe කරලා අලුත් වීඩියෝ ඉක්මනින්ම බලාගන්න එකතුවෙන්න.

 

Selfie සඳහාම නිපදවූ Y1 ස්මාට්ෆෝනය Xiaomi වෙතින්

ඉන්දියාවේ තිබූ විශේෂ උත්සවයකදී Xiaomi සමාගමේ අලුත්ම දුරකථන පෙලේ ආරම්භය සිදුවුනා. ඒ Y නමින්. Y නමින් ඔවුන් හඳුන්වන්නේ Youth හෙවත් තාරුණ්‍යයයි.

ඔවුන් මෙලෙස අන්තර්ජාතික වෙළඳපලට නැවත හඳුන්වාදුන්නේ චීනයේදී මීට මාස කීපයකට පෙර චීනයට හඳුන්වාදුන් Redmi Note 5A Prime සහ Redmi Note 5A දුරකථන දෙකයි.

ඔවුන් මෙහි ප්‍ර‍චාරණ කටයුතු සඳහා කත්‍රිනා කායිෆ් අරගෙන තිබෙනවා. ෂයෝමි සමාගමේ ප්‍ර‍චාරණය සඳහා නිළියක් යොදාගන්නා මුල් අවස්ථාව මෙයයි.

Xiaomi Redmi Y1

අඟල් 5.5ක FULL HD තිරයක්, ස්නැප්ඩ්‍රැගන් 435 ප්‍රොසෙසරයක් මෙහි තිබෙනවා. ගිගාබයිට් 3ක රැම් මතකයක් සහිත සංස්කරණයේ ගිගාබයිට් 32 අභ්‍යන්තර මතකයක්ද, ගිගාබයිට් 4 රැම් මතක සංස්කරණයේදී ගිගාබයිට් 64ක අභ්‍යන්තර මතකයක්ද තිබෙනවා. එමෙන්ම සිම් කාඩ් දෙකට අමතරව තවත් මෙමරි කාඩ් පතක් ඇතුලත් කිරීමටද මෙහි හැකියාව තිබෙනවා. ෆින්ගර්ප්‍රින්ට් සෙන්සර් එක පිටුපස අනෙක් රෙඩ්මි දුරකථන වල මෙන්ම තිබෙනවා.

කැපී පෙනෙනම අංගය වන ඉදිරිපස කැමරාව මෙගාපික්සල් 16ක f/2.0 ඇපචර් එකක් සහිත අංශක 76ක wide angle එකක්. එමෙන්ම රාත්‍රී සෙල්ෆී ගැනීමට ෆ්ලෑෂරයක්ද තිබෙනවා. පිටුපස කැමරාව මෙගාපික්සල් 13ක්.

ගිගාබයිට් 32 සංස්කරණය ලංකාවේ රුපියල් 22,000කට ආසන්නවද, ගිගාබයිට් 64 සංස්කරණය රුපියල් 27,000කට ආසන්න මුදලකටද ඉන්දියාවේදී නිකුත්කිරීමට නියමිතයි.

Xiaomi Redmi Y1 Lite

ප්‍රොසෙසරය මෙහි ස්නැප්ඩ්‍රැගන් 425 එලෙසම පවතිනවා. ඩිස්ප්ලේ එක අඟල් 5.5 වුනත් 720p දක්වා අඩුකර තිබෙනවා. එවගේම රැම් මතකයද ගිගාබයිට් 2ක්.

මෙහි සෙල්ෆී කැමරාව මෙගාපික්සල් 5යි. පිටුපස කැමරාව අනෙක් දුරකථනයේ මෙන්ම මෙගාපික්සල් 13ක්. ෆින්ගර්ප්‍රින්ට් සෙන්සර් එක මෙහිදී ඔයාට ලැබෙන්නේ නම් නෑ.

මෙහි මිළ ලංකාවේ රුපියල් 17,000කට ආසන්නවයි ඉන්දියාවේ විකුණන්නට තිබෙන්නේ.

චීනයේ, Huawei පළමු තැනට – Apple සමාගම වසර දෙකකට පසු ලැයිස්තුවට

Canalys සමාගම ගෙනාපු කලින් වාර්තාව ඔබට මතක ඇති. එම සමීක්ෂණ සමාගමම චීනයේ වෙළඳපල වාර්තාවද මේ වන විට එලිදක්වා තිබෙනවා.

එමඟින් පෙන්වාදෙන පරිදි තුන්වැනි කාර්තුවේදී ස්මාට්ෆෝන් අලෙවිය අනුව හුවාවේ සමාගම 19%ක වෙළඳපලක් අත්පත් කරගනිමින් පළමු තැන රැකගෙන තිබෙනවා. දෙවැනියාට හුවාවේ සමාගමට ඉතාම ආසන්නයෙන් 18%ක වෙළඳපල අයිතියක් Oppo සමාගමට ලැබී තිබෙනවා. එමෙන්ම Vivo සමාගමත් 17%ක විකුණුම් ප්‍ර‍තිශතයක් ලබාගෙන තිබෙනවා. තුන්වැනි කාර්තුවේ සම්පූර්ණ ස්මාට්ෆෝන් අලෙවිය මිලියන 119ක්. පසුගිය කාර්තුවට වඩා 5%කින් අඩු අලෙවියක්.

මෙයින් කැපී පෙනෙන විශේෂත්වයක් වන්නේ ඇපල් සමාගමට 5 වැනි තැන ලබාගැනීමට වසර දෙකකට පසු හැකිවිමයි. iPhone 6s වලින් පසුව 40%ක වාර්ශික වර්ධනයක් ඔවුන් මෙවර අත්කරගෙන තිබෙනවා. 2016 වසරේ තුන්වැනි කාර්තුවේදී(ජුනි-සැප්තැම්බර්) ඇපල් සමාගම විකුණා තිබෙන්නේ ඒකක මිලියන 8ක් පමණයි. මෙවර කාර්තුවේදී ඔවුන් මිලියන 11ක් විකිණීමට හැකිවී තිබෙනවා. අයිෆෝන් 8, 8 ප්ලස් සහ අයිෆෝන් එක්ස් වෙනුවෙන් චීනයේ පිරිස් පෙලගැසී තිබෙනවා මෙවර.

මුල් 5 දෙනා තම තමන්ගේ ස්ථාන රැකගැනීමට හැකි සෑම උත්සහයක්ම ගන්නවා. ඔවුන්ට මේ වසරේ හතරවැනි කාර්තුවේදී විශාල වර්ධනයක් ලබාගැනීමට හැකිවේවි. ඒ චීනයේ නොවැම්බර් 11 වැනිදා අන්තර්ජාල සමාගම් සියල්ලම පාහේ පවත්වන සේල් හේතුවෙන්. විශේෂයෙන් අලීඑක්ස්ප්‍ර‍ස් වෙබ් අඩවිය මඟින් පවත්වන 11.11 විශේෂ සේල් එකෙන්. කැනලිස් සමාගම පවසන්නේ හතරවැනි කාර්තුව අවසන් වන විට ෂයෝමි සමාගම හුවාවේ-ඔප්පෝ-විවෝ සමාගම් තුනේ බලාධිකාරය බිඳ දමනු ඇති බවයි.

ජංගම දුරකථන වෙළඳපලෙන් ඇමරිකාව පරදා දෙවැනි තැන ඉන්දියාවට

ජංගම දුරකථන ලෝකය කියන්නේ ඉක්මනින් වෙනස්වන වෙළඳපලක්. 2013 වසරේදී එතකෙත් පළමුතැන සිටි ඇමරිකාව දෙවැනි තැනට තල්ලුකර චීනය පළමුතැන ගත්තා. ඇමරිකාව වසර හතරක් තබාගත් දෙවැනි තැන දැන් ඉන්දියාව අරගෙන තිබෙනවා. Canalys සමික්ෂණ ආයතනය මඟින් සිදුකල සමීක්ෂණයකදී ඔවුන් පෙන්වා දුන්නේ මිලියන 40ක ස්මාට්ෆෝන් ඉන්දියාව තුළ විකිනී ඇති බවයි. එයින් 46.5%ක් අයිතිවන්නේ සැම්සුන් හා ෂයෝමි නාමයන්ටයි.

2016 සහ 2017 3වැනි කාර්තුවල ඉන්දියාවේ ස්මාට්ෆෝන් විකුණුම්

සැම්සුන් සමාගම ස්මාට්ෆෝන් මිලියන 9.4ක් විකුණා පළමුතැන අරගෙන තිබෙනවා. එවගේම ෂයෝමි සමාගම මිලියන 9.2ක සැම්සුන් සමාගමට ඉතාම ආසන්න විකුණුම් අගයක් පෙන්වමින් දෙවැනි තැන ගෙන තිබෙනවා. BBK Electronic සමාගම යටතේ තිබෙන Vivo සහ Oppo තුන්වැනි සහ හතරවැනි තැන ලබාගෙන තිබෙනවා. පස්වැනි තැන ලෙනෝවෝ ආයතනයද සිටිනවා.

290% ක වර්ධනයක් අත්කරගෙන තිබෙන ෂයෝමි ආයතනය තවත් කාර්තු කීපයකදී සැම්සුන් සමාගම අභිබවා යන බවද කැනලිස් සමීක්ෂණ ආයතනය පවසා සිටිනවා.

ඇපල් සමාගම තුන්වැනි කාර්තුවේදි දෙගුණයක් දුරකථන ඉන්දියාවේදී විකුණුවද ඔවුන්ට වෙළඳපල තුල තැනක් ලබාගැනීමට නොහැකිවී තිබෙන්නේ මධ්‍යම සහ අඩු මිළ ගණන් ස්මාට්ෆෝන් වලින් ලබාදෙන දැවැන්ත තරඟයට මුහුණදීමට ඇපල් සමාගමට නොහැකි නිසයි.

මෙහි පෙන්වන විකුණුම් එන්න එන්නම වර්ධනය වන බැවින් ඇමරිකාවට නැවත දෙවැනි ස්ථානයට ඒමට නොහැකි වන බවයි තවදුරටත් කැනලිස් ආයතනය පෙන්වා දෙන්නේ.

MIUI 9 මෙහෙයුම් ලබන මාසයේ එළියට – සෙල්ෆී සඳහා අලුත් ෆෝන් මාලාවක ආරම්භයක්

ලොව ජනප්‍රියම Android සංස්කරණයක් වන Xiaomi සමාගමේ MIUIහි නවතම සංස්කරණය ජූලි මස හඳුන්වාදීමෙන් අනතුරුව මාස 4කට ආසන්න කාලයක් Beta මට්ටමේ තිබුනා. අඩුපාඩු ආදිය සියල්ල නිවැරදි කරමින් අලුත් දෑ එකතු කරමින් මෙම මාස ගණන ඔවුන් ලක්ෂ සංඛ්‍යාත පරීක්ෂක පිරිසකගේ(Beta testers) සහභාගීත්වයෙන් සිදුකලා. ඊයේ ඔවුන් නිළ වශයෙන් නිවේදනය කලේ නොවැම්බර් 2 වැනිදා MIUI 9 එළිදක්වන බවයි.

මෙය බොහෝ විට ප්‍ර‍ථමයෙන් ඉන්දියාව සඳහා පමණක් නිකුත්කරනු ඇති. ඉන් පසු ක්‍ර‍මයෙන් අනෙක් රටවලටද OTA (Over The Air) ලෙස විසුරවා හරිනු ඇති.

 

එපමණක් නොවේ. ෂයෝමි ඉන්දියා සමාගම මේ වන විටත් තවත් අලුත් ස්මාට්ෆෝන් මාදිලියක් සඳහා මාධ්‍ය ආරාධනා නිකුත් කර තිබෙනවා. විස්තරයක් නොමැති වුනත් ඔවුන් එය සඳහන් කරන්නේ #YourBestSelfie ලෙසයි. මෙය සෙල්ෆී සඳහා විශේෂයෙන්ම නිර්මාණය කරන ලද ස්මාට්ෆෝනයක් බව ඕනෑම අයෙකුට මෙම ටැග් එක දුටු පමණින් සිතාගන්නට පුලුවන්.

Fast Charging සහිතව අලුත් සුපිරි Front Camera එකක් සහිතව එන මෙය හඳහා තරඟයක්ද ඔවුන් ආරම්භ කර තිබෙනවා. https://www.yourbestselfie.in/ වෙතින් එයට ඔබට සහභාගී විය හැකිය.

MIUI 9 එන්නේ Split-Screen සමඟ

Xiaomi සමාගම MIUI 8.2 සංස්කරණය පසුගිය පෙබරවාරි මසදි නිකුත් කලා. මේ වන විට ඔවුන් ලහි ලහියේම MIUI මෙහෙයුම් පද්ධතියේ 9 සංස්කරණයේ වැඩකටයුතු කරගෙන යන බවයි දැනගන්න ලැබෙන්නේ.

එවගේම ඔවුන් වැරදීමකින් MIUI ඉන්ජිනේරුවන් පිරිසකට ඊමේල් එකක් මඟින් දැනුම් දී තිබෙන්නේ MIUI 9 හි split screen සහ PIP (picture-in-picture) යන විශේෂාංග දෙක ඇතුලත් වන බවයි.

එවගේම MIUI Forum හි පරිශීලකයන්ගෙන් ඡන්ද විමසීමක් මඟින් split screen අවශ්‍යද නැද්ද යන්න විමසා තිබුනා. එහි 80%කට ආසන්න සංඛ්‍යාවක් කියා තිබුනේ ඔවුන්ට එය අවශ්‍ය බවයි. අභ්‍යන්තර තොරතුරු වලට අනුව Xiaomi සමාගමට අවශ්‍යවී තිබෙන්නේ පැරණි Android සංස්කරණ සහිත Xiaomi දුරකථන වලටද මෙම විශේෂාංග ලබාදීමටයි.

Xiaomi ලෝකයම දන්නා නමක් බවට පත්කර, Hugo Barra යයි

හියුගෝ බාරා නම කිව්ව සැනින් ජංගම දුරකථන විතරක් නෙවෙයි. තාක්ෂණික ලෝකයේත් හැමෝම දන්නවා. ගූගල් සමාගමේ සහ ඇන්ඩ්‍රොයිඩ් පිළිබඳව හිටපු ප්‍ර‍ධානියා වූ ඔහු Xiaomi සමාගමට 2013 දී එක්වීම ලොවපුරාම කතාබහට ලක්වූ මාතෘකාවක් වුනා. විශේෂයෙන් තාක්ෂණික ලෝකයේ ඔහුට තිබූ තැන හා පිළිගැනීම නිසා ෂයෝමි නාමය ලොවපුරා ප්‍ර‍චලිත වීමටද ඔහු බලපෑවා.  ඒ වනවිට ෂයෝමි නාමය චීනයෙන් පිටතට නොදන්නා නමක්.

හියුගෝගේ මඟපෙන්වීම හා ඔහු සතුව තාක්ෂණික ලෝකය වගේම අංශ ගණනාවක දැනුම හා ඉදිරිදැක්ම නිසා ෂයෝමි සමාගම ලොවපුරා ප්‍ර‍චලිත නාමයක් බවට වසර තුනහාමාරක් තුළදී පත්කිරීමට ඔවුනට හැකිවුනා. “ඇපල් කොපි කරනවා” යැයි ලේබල් ගසා තිබූ ෂයෝමි සමාගම, සම්පූර්ණයෙන්ම තමන්ගේ අදහස් මත නිර්මාණයන් සිදුකරන සමාගමක් බවට පත්කිරීමට හියුගෝ මැදිහත් වූ බව නොරහසක්. Mi 5, Mi Mix වැනි දුරකථන කීපයක් මඟින් ඇපල් සැම්සුන් හට දැවැන්ත අභියෝගයක් එල්ලකරන තැනට ෂයෝමි සමාගම පත්කර ඇති වෙලාවක හියුගෝ තම ෆේස්බුක් හා ට්විටර් ගිණුම්වල සටහන් තබමින් පැය කීපයකට කලින් ප්‍ර‍කාශ කලේ තමන් නැවත සිලිකන් වැලි වෙතට ගමන් කරන බවයි.

ඒ, ලබන මස චීන අලුත් අවුරුද්දෙන් පසුවයි.