ලෝකේ වේගවත්ම කාර් එක – Tesla Roadster

පෘථිවියේ නිෂ්පාදනය කරනු ලබන ඉතිහාසයේ වේගවත්ම කාර් එක ඊයේ හදුන්වාදුන්නා. ඒ, ටෙස්ලා සමාගමේ උත්සවය අතරවාරයේදී.

හැමෝම පුදුම කරමින් ඊලොන් මස්ක් මෙම කාර් එක හදුන්වාදුන්නේ පැමිනි අය බලාපොරොත්තුවෙන් සිටියේ ටෙස්ලා සෙමි ට්‍රක් එක නිසාවෙන්.

ඊලොන් මස්ක් මේ ඉවෙන්ට් එකේදි පුදුමකිරීමක් කරනවා කිව්වට කිසිම කෙනෙක් ටෙස්ලා රෝඩ්ස්ටර් නැවත අලුත් ආකාරයකින් පැමිනෙයි කියලා හිතුවේ නම් නෑ.

මුල් පරම්පරාවේ ටෙස්ලා රෝඩ්ස්ටර් යනු ටෙස්ලා සමාගම මුලින්ම නිකුත්කර කාරයයි. සම්පූර්ණයෙන්ම විදුලියෙන් ධාවනය වූ ඒ ක්‍රීඩා මාදිලියේ කාර් එකට පැයට කිලෝමීටර් 97ක වේගයක් තත්පර 3.7කින් ළගාකරගැනීමට පුලුවන්කම තිබුනා. ටෙස්ලා සමාගම ප්‍රථම කාර් එක ක්‍රීඩා මාදිලියේ එකක් නිකුත් කලේ ඒ වන විට විදුලි මෝටර් රථ ඉතා කැත, හෙමින් ධාවනය වන ඒවා ලෙස සැලකූ නිසා එම තර්කය බිදින්න.

දෙවැනි පරම්පරාවෙ රෝඩ්ස්ටර් රථයට පැයට කිලෝමීටර් 97ක් හෙවත් හැතැප්ම 60ක් යාමට ගතවන්නේ තත්පර 1.9ක් පමණයි!! මිනිස් ඉතිහාසයේ එම වේගය තත්පර 2කට අඩු කාලයකින් ලගා කරගත් එකම නිශ්පාදිත මෝටර් රථයට හිමි නම්බු නාමයද මෙයට හිමිවෙනවා.

උපරිම වේගය නිෂ්චිතව ඊලොන් ප්‍රකාශ නොකලද, ඔහු පැවසුවේ එය පැයට හැතැප්ම 250කට එහා වේගයක් බවයි. දැනට උපරිම වේගයට හිමි නාමය හිමිකරගෙන සිටින්නේ ස්වීඩනයේ කොයිනෙග්සෙක් අගීරා ආර්එස් එකයි ( Koenigsegg Agera RS)

අලුත් රෝඩ්ස්ට්ටර් එකේ තව විෂේශත්වයක් වන්නේ එක සම්පූර්ණ බැටරි ආරෝපණය කින් කිලෝමීටර් 1,000කට වඩා ධාවනය කිරීමට හැකි බවයි.

රෝඩ්ස්ටර් හි මෝටර් තුනක් තිබෙන අතර එකක් ඉදිරිපස රෝද සදහාද අනෙක් දෙක පිටුපස රෝද සදහාද තිබෙනවා.

මුදල් සහ හැකියාව තිබෙනවනම්, ලෝකෙ වේගවත්ම කාර් එක ඔයාට ගන්න පුලුවන්. ඇමරිකාවේදී රෝඩ්ස්ටර් හි මිල පටන් ගන්නේ ඩොලර් ලක්ශ දෙකකින්. ඒ කියන්නෙ ලංකාවේ රුපියල් වලින් කෝටි තුනකටත් එහා.

OnePlus 5T – හොදම මරුවා

OnePlus සමාගම “T” සීරීස් එක නිකුත් කිරීම ඇරඹුවේ පසුගිය වන් ප්ලස් 3 එකෙන් පස්සේ. පිටින් නොපෙනුනත් අභ්‍යන්තර වෙනස්කම් රැසක් OnePlus 3T හි තිබුනා. එලෙසම පසුගිය ජූනි මාසයේ නිකුත්වූ වන්ප්ලස් 5 ස්මාට්ෆෝනයේ අලුත් සංස්කරණය ඊයේ රාත්‍රියේදී OnePlus 5T නිකුත් කලා.

සාමන්‍ය flagship දුරකතනක තිබෙන සියලුම දෑ(ඊටත් වඩා සමහර වෙලාවට) එහි මිලෙන් අඩක මිලකට ලබාදීමයි වන්ප්ලස් සමාගමේ අරමුණ. එය මෙවර ඉතා හොදට ඔප්පු කර තිබෙනවා.

Bezels අඩු විශාල ඩිස්ප්ලේ එක මුහුණ හදුනාගැනීමේ තාක්ෂණය, අලුත් කැමරා ද්විත්වයක් ඇතුලු බොහෝ දෑ අලුත් ෆෝන් එකේ තිබෙනවා.

5T එක දකින ඕන කෙනෙකුටම පෙනෙන්නේ අලුත් 18:9 ඩිස්ප්ලේ එක. දුරකතනයේ ඉදිරිපසෙන් වැඩිම ප්‍රමාණයක් මේ ඩිස්ප්ලේ එකට වෙන් වෙනවා. අගල් 6.01ක් ඩිස්ප්ලේ එකේ තිබුනත්, වන්ප්ලස් සමාගම මෙවරත් 1080p FullHD ඩිස්ප්ලේ එකක්ම යොදාගෙන තිබෙනවා. QuadHD display බලාපොරොත්තුවෙන් හිටිය අයට නම් බලාපොරොත්තු සුන් වීමක් තමා. නමුත් බැටරි අතින් මෙය ගොඩක් වැදගත් යොදාගැනීමක් වේවි. ඩිස්ප්ලේ එකට අවශ්‍ය ඉඩ ලබාදීමට fingerpriny scanner එක දුරකතනයේ පසුපසට රැගෙන ගොස් තිබෙනවා.

බැටරිය මිලිඇම්පවර් 3,300ක එකක්. එවගේම සමාගමේ Quick Charging තාක්ෂණය වන Dash charging ද තිබෙනවා. SoC එක විදියට ස්නැප්ඩ්‍රැගන් 835 සම්පූර්ණ දුරකතනයේම කටයුතු බලාගන්නවා. 64GB සංස්කරණයේ 6GB Ram ද, 128GB සංස්කරණයේ 8GB රැම් මතකයක්ද තිබෙනවා.

කැමරාව සම්පූර්ණයෙන්ම මෙවර වෙනස්කර තිබෙනවා. ගියවර තිබුනු ටෙලිෆොටෝ කැමරාව වෙනුවට මෙවර 16MP මූලික කැමරාවක් සහ 20MP දෙවැනි කැමරාවක් Intelligent Pixel Technology කියන ක්‍රමයට යොදාගෙන තිබෙනවා. මෙහිදී සිදුවන්නේ ඡායාරූප ගැනීමේදී මූලික කැමරාවට 20MP සංවේදකයේ පික්සල් එකතුවී වඩා තීව්‍ර සහ අදුරේදී ආලෝකමත් ඡායාරූප ගැනීමේ හැකියාව ලබාදීමයි.

එතකොට portrait mode ? තියෙනවා. නමුත් කලින් මෙන් hardware level හදුනාගැනීමක් නෙවෙයි. Software භාවිතයෙන් සිදුකරන හදුනාගැනීමක්.

ඉදිරිපස සෙල්ෆී කැමරාව මෙගාපික්සල් 16ක්. මෙහි මුහුණ හදුනාගැනීමේ තාක්ෂණය ඔවුන් එකතු කර තිබෙනවා. නමුත් සමාගම පවසන්නේ මෙය අනෙක් ආරක්ෂක ක්‍රමවේද තරම් සාර්ථක නොමැති බවයි. iPhone X හි infrared projector, Galaxy Note 8 හි Iris scanner යන ක්‍රම දෙකේදිම ඒවාට වෙන්කල තාක්ෂණ යොදාගෙන තිබුනත් මෙහිදී තිබෙන්නේ සාමාන්‍ය කැමරාවක් පමණයි.

ජලය නොයන ලෙස 5T දුරකතනය නිපදවා නොමැති බැවින් ඔයාට ඒ ගැන සැලකිලිමත් වෙන්න වේවි.

මෙහෙයුම් පද්ධතිය ලෙස ඇන්ඩ්‍රොයිඩ් 7.0 මත නිපදවන ලද Oxygen OS තිබෙනවා. ඇන්ඩ්‍රොයිඩ් 8 යාවත්කාලීනයක් ඔවුන් නිකුත් කරන කාලයක් සදහන් කරල නෑ.

ඩොලර් 499කට 64GB සංස්කරණයද, ඩොලර් 549කට ගිගාබයිට් 128 සංස්කරණය ද මිළදීගන්නට පුලුවන්. පිලිවෙලින් ලංකාවෙ රුපියල් 78,000ක් සහ රුපියල් 86,000ක්.

ටෙස්ලා ඉලෙක්ට්‍රික් ට්‍රක් රථය

ටෙස්ලා සමගාම ඔවුන් වෙනස්ම වෙළදපලකට අත ගසන්නට අද සූදානම් වෙනවා. ඒ අද දින ඔවුන් නිකුත් කරන සෙමි ට්‍රක් රථයත් සමග. විෂේශත්වය වන්නේ මෙය ටෙස්ලා කාර් මෙන්ම සම්පූර්ණ විදුලියෙන් ධාවනය වීමයි.

ඔවුන් මේ සෙමි ට්‍රක් එක නිකුත් කරන්නේ ඊලොන් මස්ක්ගේ දෙවැනි මාස්ටට් ප්ලෑන් එකේ ආරම්භය ලෙස.

අැත්ත ලෝකේ හැරි පෝටර් කෙනෙක් වෙන්න අලුත්ම AR ගේම් එක ළඟදීම

Niantic ලැබ් එක බොහෝමයක්ම ප්‍රසිද්ධ වුනේ Pokemon Go, Ingress වැනි AR games නිර්මාණය කරපු නිසා. ඇත්ත ලෝකය සහ කෘත්‍රිම ලෝකය යන දෙකම එකතු කර නිර්මාණය කරන ලද මේ ජංගම දුරකථන ක්‍රීඩා ලොව පුරා කෝටි ගණනක් ජනතාවගේ ආදරය දිනාගත්තා.

ඉතින් නයන්ටික් ලැබ් මගින් අලුතින්ම නිකුත් කරන්නට තිබෙන ජංගම දුරකථන ගේම් ඒක තමයි Harry Potter: Wizards Unite. පොකිමොන් ගෝ, ඉන්ග්‍රෙස් වලටත් වඩා මේ ගේම් ඒක නම් ඉතාමත්ම ජනප්‍රිය වේවි කියලා කියන්නට පුලුවන්. විවිධ සතුරන්ව මන්තර මගින් විනාශ කිරීමට, අලුත් මන්තර ඉගෙන ගැනීමට වගේ විවිධ අපූරු දේවල් ගොඩක් මෙහි තියෙනවා කියලා සමාගම කියනවා.

ගේම් ඒක ගැන තවම වැඩි විස්තරයක් නෑ. ඒ්ත් ඔයාලට https://www.harrypotterwizardsunite.com/ ගිහින් රෙජිස්ටර් වන්න පුලුවන් ඉදිරි අලුත් තොරතුරු ලබාගැනීම සඳහා.

iPhone X එක හදන්න ඇපල් එකට ඇත්තටම යන ගාන

ඇපල් සමාගමේ මෙතෙක් නිකුත් කරන ලද සුවිශේෂීම මෙන්ම අනෙක් දුරකතන වලින් කැපී පෙනෙනම ස්මාට්ෆෝනය වන්නෙ ඇපල් අයිෆෝන් 10 එකයි.

ඇමරිකාවේදී ඩොලර් 999කට 64GB model එක විකිණෙන මේ දුරකතනය හදන්න ඇපල් සමාගමට ඇත්තටම වියදම් වන මුදල කීයක් කියලාද හිතන්නෙ?

කිසිම සමාගමක් දුරකතනයක් නිශ්පාදනයට යන වියදම හෙලි කරන්නෙ නෑ. නමුත් TechInsights වෙබ් අඩවිය අයිෆෝන් එක්ස් එකේ විවිධ කොටස් සදහා යන වියදම එකතුකල පෙන්වා දී තිබෙනවා.

ඔවුන් පෙන්වාදෙන පරදි එක ෆෝන් එකක් සදහා $357.50ක් මුදලක් තමා වැයවෙන්නේ. ඒ කියන්නෙ එක unit එකකින් 64%ක ආදායමක් තිබෙනවා. අයිෆෝන් 8 එකකින් ඔවුන්ට ලැබෙන්නේද 59%ක ආදායමක් පමණයි.

කෙසේ නමුත් අයිෆෝන් එක්ස් හි ඇතැම් උපාංග වලට අයිෆෝන් 8 එකට වඩා ඇපල් සමාගමට වියදම් යනවා. විශේශයෙන් ඩිස්ප්ලේ එකට. අයිෆෝන් 8 එකට ඩොලර් 36ක් පමණ වියදම් වුණත්, අයිෆෝන් එක්ස් එකට ඩොලර් 65.50ක් පමණ වියදම් වෙනවා.

එක්ස් එකේ මල නොබැදෙන වානෙ බදට ඇපල් සමාගම ඩොලර් 36ක් වියදම් වෙනවා. අයිෆෝන් 8 එකට වියදම් වනවාට වඩා ඩොලර් 15ක් වැඩියි.

හැබැයි මතක තියාගන්න ඕන දෙයක් තියෙනවා. අපි මේ කිව්වෙ උපාංග සදහා යන වියදම. මේකට තව වියදම් රැසක් එකතු වෙන්න තියෙනවා.

එකලස් කිරීමට යන වියදම්, තාක්ශණික සහ නිර්මාණ පර්යෙෂණ වියදම්, වෙළද දැන්වීම් සදහා යන වියදම් වගේම බෙදාහැරීම සදහාද යම් වියදමක් යනවා. ඒ සියල්ලද එකතුවෙලා ඇපල් සමාගමේ ලාභයද එක්තුවෙලා තමයි අවසන් මිළ තීරණය කරන්නෙ.

Samsung එක Apple ෆෝන් ජෝක් එකට අරගෙන හදපු අලුත් ඇඩ් එක

ස්මාට්ෆෝන් සමාගම් දෙකක් අතර ඉඳලා හිටලා හාස්‍යජනක වීඩියෝ නිර්මාණය වීම සාමාන්‍ය දෙයක්. හැබැයි ඒක සැම්සුන් සමාගම ඇපල් එකට වදින්න ගහපු නිර්මාණයක් නම්, ඒක විශේෂයි.

සැම්සුන් සමාගම ඊයේ දිනයේ එකතු කරන ලද Upgrade to Galaxy වීඩියෝව, මෙතෙක් කල් සැම්සුන් ෆෝන් වල ඇපල් ලාට කලින් තිබුන විශේෂාංග පෙන්වාදෙනවා. එවගේම අයිෆෝන් එක්ස් එකට නම් ලොකුම හින්ට් එකක් දෙනවා. බලන්නකෝ වීඩියෝ එක.

Duvvada Jagannadham(2017) සිංහල උපසිරැසි සහිතව

ඔන්න යාලුයනේ අද ඔයාල බලන් හිටපු චිත්‍රපටියක් තමයි අරන් ආවේ. අල්ලු අර්ජුන්ගේ අලුත්ම ෆිල්ම් එක. කලින් ඒවට අදහසක් දාල තිබුන අයටත් ස්තූතියි. චිත්‍රපටිය විහිලු සහ ඇක්ෂන් ගනයට තමයි අයිති වෙන්නේ. එහෙනම් බලන්න මේක කොහොමද කියලා.

Harisha Shankara විසින් අධ්‍යක්ෂනය කරන මෙම චිත්‍රපටිය. Dil raju විසින් නිෂ්පාදනය කරන්නේ. ප්‍රධානය චරිතය අල්ලු අර්ජුන් විසින් කරන අතර නිළිය Pooja Heage විසින් සුදු කරනවා. 2017 ජූනි 23 වන දින ප්‍රථම තිරගතවීම ආරම්භ කරන අතර විනාඩි 160 කාලයක් පුරා චිත්‍රපටිය ධාවනය වෙනවා. ඒ වගේම IMDB අගයද 6.1 අගයක් ලබා තිබෙනවා. තෙලිගු භාශාවෙන් නිර්මාණය වෙන මෙම චිත්‍රපටිය තවමත් ඉන්දියාව තුල තිරගත වෙමින් පවතිනවා.

මේක දෙන්න ටිකක් පරක්කු උනේ හොද කොපි එකක් ඔයාලට දෙන්න ඕන නිසා ටිකක් බලන් හිටියා. එක් නිසා පරක්කු උනේ. එහෙනම් හැමෝම මේකත් බලලා කොහොමද කියලා කියන්නකෝ. වෙනදා වගේම මේකටත් හොද අහසක් දාල යන්න අමතක කරන්න එපා. ඒ වගේම අපේ යාලුවෝ ගොඩක් එක, එක චිත්‍රපටි වල නම් කියලා තිබුනා සබ් එක කරමු කියලා. අනිවාර්යෙන්ම ඒවත් ඔයාලට පුළුවන් ඉක්මනට දෙන්නම්. ෆේස් බුක් එක හරහත් මගෙන් ඒ වගේම ඉල්ලීම් තියෙනවා. හදිස්සියේ දෙන්න බැරිඋනත් අනිවාර්යෙන්ම දෙන්න උත්සහ කරන්නම්. එහෙනම් තවත් සබ් එකකින් හමුවෙන බලාපොරොත්තුවෙන් මම නවතිනවා.

Download Movie

සිංහල උපසිරැසි ගැනීමට

Savitri (2016) සිංහල උපසිරැසි සහිතව

2016 වසරේ නිකුත්වුණ හරිම අපූරු ආදරණීය කතාවක් තමයි මේක. පැය දෙකක් පුරාවට දුවන මේ චිත්‍ර‍පටයට ගොඩක් දෙනා හොඳ ප්‍ර‍තිචාර ලබාදීපු එකක්.සාවිත්‍රි උපදින්නේම මංගල උත්සවයක නලා සද්දය අතරතුර. ඉතිං ඇයට පොඩි කාලේ ඉඳලාම හරි ආසයි කසාද වලට. ඇය ලොකු වෙනකොට ගෙදර අයට කියනවා ඇයට ගැලපෙන හොඳ මනාලයෙක්ව හොයලා දෙන්න කියලා. ඉතිං පවුලේ අය ඇයව කසාද බන්දන්න තීරණය කරනවා රිෂීට. ඒත් සාවිත්‍රිවත් රිෂීවත් මේ ගැන දන්නේ නෑ.

ඇය ශ්‍රිදී වලට යන අතරතුරේ රිෂීව හම්බවෙනවා. රිෂී ක්ෂණයකින් සාවිත්‍රිට ආදරය කරන්න පටන් ගන්නවා. නමුත් සාවිත්‍රි කැමති වෙන්නේ නෑ ඔහුට මුලින්. කොහොමහරි දෙන්නා යන්න තියෙන කෝච්චිය මගහැරෙනවා. ඒ අතරතුර දෙන්නා කතා කරන්න පටන් ගන්නවා. රිෂී කියනවා පවුලේ අය ඔහුට කසාදයක් තීරණය කරලා තියෙනවා කියලා. ඒත් එයා ඒකට කැමති නෑ කියලා. ඒත් දැන් එයා වෙන කෙනෙකුට ආදරේ කරන්න පටන් අරගෙන කියලා කියනවා. පහුවෙලා තමයි රිෂි දැනගන්නේ සාවිත්‍රිව තමයි ඔහුට යෝජනා කලේ කියලා ගෙදරින්. ඔහු කරගත්ත වැරැද්ද තේරුම් අරගෙන සාවිත්‍රිගේ තාත්තා හමුවෙලා කරපු වැරැද්ද කියනවා. නමුත් තාත්තා ඔහුට දෙවැනි අවස්තාවක් දෙන්නේ නෑ. ඉතින් රිෂි සාවිත්‍රිගේ ගමේ නතරවෙන්න තීරණය කරනවා මාසයක්.ඒ මාසය ඇතුලත සාවිත්‍රිගේ ආදරයත් දිනාගෙන, ගෙදර අයගේ ආදරයත් දිනාගන්න පුලුවන් වේවිද? බලන්න චිත්‍ර‍පටය!

සිංහල උපසිරැසි

 

Kurangu Bommai (2017) සිංහල උපසිරැසි සමඟින්

2017 වසරේ මෙතෙක් ආ දෙමළ චිත්‍රපට අතර ඉදිරියෙන්ම සිටින චිත්‍රපට කීපයෙන් එකක්. තරමක් දුරට hyperlink ආකෘතියකට අනුව නිර්මාණය වී ඇති මෙය ප්‍රේක්ෂකයන් තුල ප්‍රබල භාව කම්පනයක් ඇතිකර ඔවුන් සිතන්නට පොළඹවන චිත්‍රපටයක්. තන්ජාවූර් හි වෙසෙන පාතාල නායකයෙකුට සමාන වටිනා පිළිම, පුරාවස්තු වැනි දෑ ජාවාරමෙහිද යෙදෙන ලී වෙළෙන්දෙක්, ඔහුගේ සුවච කීකරු සේවකයෙක් , පියාගේ හාම්පුතා ගැන කලකිරීමෙන් පසුවෙන සේවකයාගේ පුතා, විවාහ යෝජනාවකින් ඔහු වෙත ඉදිරිපත් කෙරෙන යුවතියක්, චෙන්නයි නගරයේ වෙසෙන මුදල් පසුම්බි හා බෑග් සොරකම් කරන පික් පොකට්කරුවෙක්, චෙන්නයිහිම වෙසෙන හොර බඩු ජාවාරම්වල අතරමැදියෙක් ලෙස ක්‍රියාකරන්නෙක් මෙහි ප්‍රධාන චරිත වෙනවා. එක්තරා හේතුවකින් මේ සියලු දෙනාම එකට පටලවන සිදුවීම් මාලාවක් සිදුවෙනවා. විවිධ ස්ථානවලින් ගත් CCTV දර්ශන පෙලක් කලාත්මක ආකාරයට පෙලගැස්වූවාක් මෙන් ගලායන මේ චිත්‍රපටය මුදල් සහ මනුෂ්‍ය සම්බන්ධතා අතර ගැටුම විදහා දක්වන අපූර්ව කතාවක් ප්‍රේක්ෂකයන් හමුවේ ගෙනහැරපානවා.

Kurangu Bommai නිතිලන් ස්වාමිනාදන් නම් අධ්‍යක්ෂවරයාගේ පළමු වෘත්තාන්ත චිත්‍රපටය වුණත් මේ අධ්‍යක්ෂණයේ කිසිම ආධුනිකබවක් දකින්නට නොලැබීම විශේෂත්වයක්. ප්‍රබල කලා අධ්‍යක්ෂණයක්, කැමරාකරණයක් හා සංස්කරණයක් සහිතව ගලායන රූප රාමු පෙල මේ අත්දැකීම ප්‍රේක්ෂක සිත්වල අමතක නොවන ලෙස සටහන් කිරීමට සමත් වෙනවා. මෙහි තැනින් තැන ප්‍රබල සංකේත භාවිතයකුත් දකින්නට ලැබෙනවා. සෑම ජවනිකාවක්ම සුන්දර වියමනක් මෙන් එකිනෙක සමග බැඳී ඇති ආකාරය බෙහෙවින් සිත්ගන්නා සුළුයි. එක සිදුවීමක් විවිධ පුද්ගලයන්ගේ දෘෂ්ටි කෝණවලින් දක්වා තිබීම සහ බොහෝ අවස්ථාවල එක් ජවනිකාවක අවසානයත් ඊළඟ ජවනිකාවේ ආරම්භයත් කළු-සුදුවලින් දක්වා තිබීමත් චිත්‍රපටයේ ආකෘතියට මනා ගැලපීමක් එක් කර තියෙනවා. අධ්‍යක්ෂවරයා විසින්ම ලියන ලද තිර පිටපත සෑම චරිතයකම යහපත්-අයහපත් සියලුම පැතිකඩ පෙන්නුම් කරන ප්‍රබල, ගැඹුරු චරිත නිරූපණයක් සහිතව ලියැවී ඇති අතර මැඩෝනා අශ්වීන් ගේ දෙබස්වලින්ද එයට විශාල එලියක් වැටී තියනවා.
අධ්‍යක්ෂ නිතිලන් කෙටි චිත්‍රපට නිර්මාණය කරමින් සිනමාවට පිවිසුණු අයෙක්. මීට පෙර කෙටි චිත්‍රපට නිර්මාණය කරමින් සිනමාවට එක්වූ බාලාජි මෝහන්, කාර්තික් සුබ්බුරාජ් හා නලන් කුමරසාමි වැනි අධ්‍යක්ෂවරු මෙන් දෙමළ සිනමාව තුල ප්‍රබලයෙක් වීමේ ලකුණු ඔහු සිය පළමු වෘත්තාන්ත චිත්‍රපටයෙන්ම පෙන්නුම් කර සිටිනවා. වර්තමාන තමිල්නාඩු පොළවේ චරිත හා සිදුවීම් කීපයක් ප්‍රබල අර්ථයක් මතුකෙරෙන අයුරින් ඔහු සිනමාවට ගෙන එන්නේ Lock, Stock and Two Smoking Barrels සහ In Bruges වැනි බ්‍රිතාන්‍ය Black comedy චිත්‍රපටවල එන ජීව ගුණයක් සහිතවයි.

මේ චිත්‍රපටයෙන් මුල්වරට දෙමළ සිනමාවට එක්වෙන කන්නඩ සංගීත අධ්‍යක්ෂවරයකු වන අජනීෂ් ලෝක්නාත් තම හැකියාවන් විශිෂ්ට ලෙස පෙන්නුම් කර තියෙනවා. නළු නිළියන්ගේ රංගනය ගැන කතා කරද්දී විදාර්ත් තමන් වර්තමාන දෙමළ සිනමාවේ සිටින සුවිශේෂ නළුවන් කිහිපදෙනාගෙන් කෙනෙක් බව තව දුරටත් ඔප්පුකර සිටිනවා. මලයාලම් නිළි ඩෙල්නා ඩේවිස්, සෙසු චරිත රඟපාන කුමරවේල්, වෘත්තීය නළුවන් නොවන චිත්‍රපට අධ්‍යක්ෂ භාරති රාජා සහ තේනප්පන් වැනි අයද තම වගකීම් මැනවින් ඉටු කරනවා. Kurangu Bommai සෑම ලාංකීය සිනමා ලෝලියෙක් විසින්ම නරඹනුලැබීමට සුදුසු ලෙස ඍජුවම නිර්දේශ කළ හැකි චිත්‍රපටයක්.

සිංහල උපසිරැසි මෙතැනින් ලබාගන්‍න

Direct Download (400MB)